Navoiy kon-metallurgiya kombinatida inson hayoti, sog‘ligi bilan bog‘liq bo‘lgan mehnat muhofazasi va xavfsizlik texnikasini taʼminlash masalasiga katta eʼtibor qaratilib kelinmoqda. Ishlab chiqarish jarayonlarida yuzaga kelishi mumkin bo‘lgan baxtsiz hodisalar va kasbiy kasalliklarning oldini olish maqsadida kombinat bo‘linmalaridagi ish jarayonida mehnat muhofazasi va xavfsizlik texnikasining talablarini bajarilishi nazorat qilib boriladi.

2024-06-28_10-32-39

“NKMK” AJ boshqarmasida Mehnat muhofazasi va xavfsizlik texnikasi bosh departamenti, Kadrlar boshqarmasi, NKMK xodimlari kasaba uyushmasi Kengashi, bo‘linmalar rahbar-xodimlari ishtirokida 2024-yilning yarim yilligida kombinat tizimidagi korxonalarda mehnatning sog‘lom va xavfsiz sharoitlarining taʼminlanganligi, yaratilgan shart-sharoitlar, aniqlangan kamchiliklarni bartaraf etish yo‘llari tahliliy-tanqidiy tarzda muhokama etildi.

2024-06-28_10-32-48

– Kombinat ishchi-xodimlarining sog‘ligi va mehnat jarayonidagi xavfsizligini taʼminlash asosiy vazifamizdir. Bu borada bo‘linmalarida ishlab chiqarish faoliyati mehnat muhofazasi va sanoat xavfsizligi talablariga rioya etgan holda olib borish doimiy monitoring qilib borilmoqda. Shuningdek, korxonamiz ishchi-xodimlarida xavfsizlik madaniyatini oshirish bo‘yicha tizimli ishlar amalga oshirilmoqda, – deydi “NKMK” AJ Mehnat muhofazasi va xavfsizlik texnikasi bosh departamenti yetakchi mutaxassisi A.Sadullayev.

Yig‘ilishda mehnat muhofazasi qoidalari talablarining buzilish holatlari muhokama etilib, ularni oldini olish yuzasidan tavsiyalar berildi. Shuningdek, mehnat muhofazasiga bog‘liq boshqa bir qator masalalar ham ko‘rib chiqildi. Yakunda qo‘shma qaror qabul qilindi.

“NKMK” AJ Matbuot xizmati.