Bugun Navoiy viloyati hokimligida 30-iyul – Xalqlar do‘stligi kuni munosabati bilan turli millat vakillari ishtirokida tantanali tadbir tashkillashtirildi. Tadbirda viloyat hokimi N.Tursunov ishtirok etib, yig‘ilganlarga O‘zbekiston Respublikasi Prezidenti Sh.Mirziyoyevning bayram tabrigini o‘qib eshittirdi hamda o‘zining samimiy qutlovini yo‘lladi.

Tadbirda bir guruh turli millat vakillari hokimlik faxriy yorliqlari va qimmatbaho sovg‘alar bilan taqdirlandi. Ular safida Navoiy kon-metallurgiya kombinati vakillari – Navoiy mashinasozlik zavodi ishchisi Olesya Isayeva hamda “Qizilqum” kon boshqarmasi markazlashtirilgan buxgalteriyasi guruh rahbari Valentina Klimenkolar ham munosib rag‘batlantirildi.

300720242

Tadbirda ishtirok etgan kombinat ishchisi O.Isayeva quyidagi fikr-mulohazalarini bildirdi:

300720241

“Men Navoiy shahrida tug‘ilib-o‘sganman. O‘zbekiston – mening ona-Vatanim! Shu yurtda o‘z baxtimni topdim. Rus millatiga mansub bo‘lsamda, o‘zbek oilasiga turmushga chiqqanman. Turmush o‘rtog‘im chilangar. Lekin, eng baxtiyor oilalardan biri bo‘lib, mustaqil, tinch-osuda yurtda turli millat vakillari bilan birga yashab, orzu-maqsadlarimizga erishib kelayapmiz. Bugun farzandlarimiz nufuzli oliygohlarda tahsil olmoqda. Davlatimiz bizga shunday imkoniyatlarni yaratib berdi. Har bir ota-ona uchun bundan ortiq baxt bo‘lmasa kerak. Men Yangi O‘zbekistonda yashayotganimdan hamisha faxrlanaman!”

“NKMK” AJ Matbuot xizmati.