4-sentabr kuni, erta tongdan mamlakatimizning barcha taʼlim muassasalarida yangi o‘quv yili boshlanib, maktablar yana o‘quvchilarni o‘z bag‘riga oldi.

Jumladan, qariyb 2,4 ming nafar o‘g‘il-qiz taʼlim olayotgan Navoiy shahridagi 4-umumtaʼlim maktabida ham Bilimlar kuni munosabati bilan bayram tadbiri bo‘lib o‘tdi. Tadbirda “Navoiy kon-metallurgiya kombinati” AJ Boshqaruvi raisi – Bosh direktori, senator Q.Sanaqulov ishtirok etib, maktab pedagogik jamoasi hamda o‘quvchi-yoshlarni mamlakatimiz mustaqilligining 33 yilligi va yangi o‘quv yili boshlanganligi bilan tabrikladi.

40920242

Tadbirda taʼkidlaganidek, Yangi O‘zbekistonda davlatimiz rahbari Shavkat Mirziyoyev tomonidan taʼlim sohasi chuqur isloh qilinib, o‘qituvchilarning obro‘-eʼtiborini oshirish, kelajak avlod vakillarining puxta bilim egallashi uchun barcha sharoitlar yaratib berilmoqda. Shu jumladan, o‘tgan yili 4-umumtaʼlim maktabining 880 o‘rinli qo‘shimcha yangi binosi foydalanishga topshirilgan edi.

Mazkur maktab o‘quvchilarining fan olimpiadalari, turli tanlovlar, sport musobaqalari, oliy o‘quv yurtlarga kirish bo‘yicha erishgan yutuqlari har qanday tahsinga munosibdir. Jumladan, taʼlim dargohini o‘tgan o‘quv yilida tugatgan 143 nafar bitiruvchidan 141 nafari o‘qishga kirgani quvonchli natija, ustozlar mehnati mahsulidir.

40920243

Yangi 2024-2025-o‘quv yilida 315 nafar o‘g‘il-qiz 1-sinfga qabul qilinib, ularga Prezidentimiz sovg‘alari topshirildi.

Birinchi qo‘ng‘iroq sadosi o‘quvchilarni yangi o‘quv yiliga chorladi.

“NKMK” AJ Matbuot xizmati.