“Navoiy kon-metallurgiya kombinati” aksiyadorlik jamiyati O‘zbekiston iqtisodiyotida salmoqli ulushga ega. Korxonaning Davlat byudjeti daromadlarini shakllantirishdagi ulushi 16,7 foizni tashkil etadi. Birgina, 2023-yilda Davlat byudjetiga 38,6 trln. so‘mlik (3,3 mlrd. AQSh dollari ekvivalentida) to‘lovlar amalga oshirilgani buning isboti.

NKMK” AJ Soliq hisobi bo‘limi boshlig‘i Mardon Jabborov taʼkidlaganidek:

“Bunday yuqori natijalar bilan kombinat ko‘p yillardan buyon “Eng yirik soliq to‘lovchi” maqomini o‘zida saqlab kelayapti. Yaqinda korxonamiz bu yo‘nalishda yana bir yutuqni qo‘lga kiritdi. O‘zbekiston Respublikasi iqtisodiyoti rivojiga o‘z hissasini qo‘shgan eng namunali soliq to‘lovchi sifatida O‘zbekiston Respublikasi Vazirlar Mahkamasi huzuridagi Soliq qo‘mitasining Faxriy yorlig‘i bilan taqdirlandi. Bu rag‘bat, albatta, ko‘pming kishlik jamoamizning yurtimiz taraqqiyotiga qo‘shib kelayotgan munosib hissasi, fidokorona mehnatning yuksak darajadagi eʼtirofidir.”

Mana shunday natija va ko‘rsatkichlar bilan kombinat yildan-yilga oldinga qarab ildamlab bormoqda. 2024-yilda ham Davlat byudjetiga 45,4 trln. so‘m to‘lovlarni amalga oshirish reja qilingan.

“NKMK” AJ Matbuot xizmati.