“Navoiy kon-metallurgiya kombinati” AJda xalqaro konsultant ishtirokida kompaniyaning xalqaro axborot makonidagi imidji va nufuzini oshirish bo‘yicha seminar-terninglar bo‘lib o‘tdi.

18-19-sentabr kunlari “Montfort Eurasia” kompaniyasi vakillari tomonidan kombinat matbuot xizmati xodimlari uchun “Kompaniyaning xalqaro axborot makonidagi taqdimoti” mavzusida seminar-treninglar o‘tkazildi. Ushbu tadbirlar davomida manfaatdor tomonlar, jumladan, ommaviy axborot vositalari, moliya institutlari, davlat organlari va professional hamjamiyatning boshqa maqsadli guruhlari bilan aloqalarni yo‘lga qo‘yish mavzulari ko‘rib chiqildi. Shuningdek, kompaniyaning korporativ brendi bilan bog‘liq barqaror ijobiy assotsiatsiyalarni yaratish uchun turli vositalar taqdim etildi.

“Montfort Eurasia” kompaniyasining hududiy bo‘linmasi rahbari Eleonor Kramers taʼkidlaganidek:

“Navoiy kon-metallurgiya kombinati” AJ O‘zbekiston Respublikasi iqtisodiyotining bayroqdori hamda ulkan salohiyat va imkoniyatlarga ega bo‘lishi bilan bir qatorda xalqaro axborot makonida yuksak eʼtibor va eʼtirofga ham loyiqdir. Bugungi kunda NKMK aksiyadorlik jamiyati sifatida jahon hamjamiyati oldida kompaniyaning barqaror imidjini shakllantirish yo‘lida samarali aloqalarni yo‘lga qo‘yishi maqsadga muvofiqdir.”

Ikki kunlik tadbirlar doirasida ishtirokchilar munozaralarda turli mavzularni, jumladan, press-relizlar tayyorlash usullari ustida ishlash, intervyular o‘tkazish va inqirozli kommunikatsiyalarni boshqarishni interaktiv tarzda muhokama qilish imkoniyatiga ega bo‘lishdi.

“NKMK” AJ Matbuot xizmati.