Raqamli rivojlanish darajasi bo‘yicha reyting baholash natijalariga ko‘ra, “NKMK” AJ 98,7 ball ko‘rsatkich bilan 33 ta xo‘jalik boshqaruvi organi o‘rtasida 1-o‘rinni egalladi.

Asosiy ko‘rsatkichlar:

- 324 TB (Terabayt) server resurslari (serverlar, virtual mashinalar, ma’lumotlarni saqlash tizimlari, zaxira nusxalash tizimlari, AI-serverlar);

- 90 km optik tolali aloqa liniyalari modernizatsiya qilindi va foydalanishga topshirildi;

- 130 000 ta foydalanuvchi murojaatlari ko‘rib chiqildi (masofaviy va joyiga borib texnik xizmat ko‘rsatish);

- 3 100 ta telefon aloqa abonentlari (o‘rnatish, tiklash va ekspluatatsiya).

Amalga oshirilgan raqamli loyihalar:

- GMZ-7 va GMZ-3 tegirmon bloklarini raqamli boshqarish

Boshqarishni avtomatlashtirish, ishlab chiqarish quvvatini 5% gacha oshirish,
energiya sarfini 3% gacha kamaytirish, maydalash samaradorligi va mahsulot sifatini oshirish.

- “Muruntov” konida davriy oqim texnologiyasi telemexanikasi

Transport xarajatlarini kamaytirish, yoqilg‘ini tejash va sanoat xavfsizligini oshirish. Asbob-uskunalar to‘xtab qolishini 8% ga, ularga xizmat ko‘rsatish va ta’mirlash xarajatlarini 5% ga kamaytirish.

- Ekskavatorlar va burg‘ilash uskunalarini onlayn monitoring qilish

Texnik holatni real vaqt rejimida nazorat qilish, to‘xtab qolishlarni qisqartirish va asbob-uskunalardan foydalanish koeffitsiyentini 0,81 dan 0,83 gacha oshirish.

- Xavfli zonalar va shaxsiy himoya vositalarini nazorat qiluvchi AI-videoanalitika

Mehnat muhofazasi bo‘yicha 24/7 uzluksiz nazorat, qoidabuzarliklarni aniqlash, avariya va jarohatlanishlarni kamaytirish.

- AI texnologiyalari asosidagi kon transporti haydovchilari uchun DMS-tizim

Haydovchilarning xatti-harakatlarini nazorat qilish, intizomni oshirish va yo‘l harakati qoidalari buzilishini 35% ga kamaytirish.

“NKMK” AJ Axborot-kommunikatsiya texnologiyalari boshqarmasi