10 dekabr kuni Navoiy mashinasozlik zavodida “O‘ta muhim va toifalangan obyektlarda fuqaro muhofazasi hamda yong‘in xavfsizligini taʼminlash samaradorligini oshirish” mavzusida respublika o‘quv seminari bo‘lib o‘tdi.

O‘quv seminarida O‘zbekiston Respublikasi Favqulodda vaziyatlar vazirligi va uning hududiy boshqarmalari, Yong‘in xavfsizligi bo‘linmalari, Navoiy kon-metallurgiya kombinati hamda mamlakatimizning yirik ishlab chiqarish korxonalaridan vakillar ishtirok etishdi.

Tadbir davomida kun tartibiga doir maʼruzalar tinglandi, o‘zaro tajriba almashildi va yong‘in-qutqaruv amaliy-taktik mashqlar namoyish etildi.

– NKMK haqiqatda katta korxona ekan. Ilgari ijtimoiy tarmoqlar orqali u haqida tanish edim. Mana bugun kombinatda olib borilayotgan ishlar, o‘zgarishlarni hamkasblardan eshitib, yaqinroq xabardor bo‘ldim. Bugungi tadbirga ham juda katta tayyorgarlik ko‘rilibdi. Qatnashchilarda yaxshi taassurot qoldirdi. Buning uchun tashkilotchilarga rahmat!, – deydi Farg‘ona viloyati FVB bo‘lim boshlig‘i Abdujabbor Mo‘minov.

Tadbir so‘ngida ishtirokchilar va jurnalistlar uchun Navoiy shahridagi “NKMK tarixi” muzeyiga press-tur tashkil etildi.

NKMK Matbuot markazi.