O‘zbekiston Respublikasi Prezidenti Shavkat Mirziyoyevning 2020 yil 24 yanvarda Oliy Majlisga yo‘llagan Murojaatnomasini joylarda o‘rganish va keng jamoatchilik o‘rtasida targ‘ib etishga bag‘ishlangan tadbirlar davom etmoqda. Shu maqsadda kombinatning barcha bo‘linmalarida “Ilm, ma’rifat va raqamli iqtisodiyotni rivojlantirish yili” davlat dasturi doirasida “Yangilanayotgan O‘zbekiston: islohotlar va o‘zgarishlar” mavzusida targ‘ibot tadbirlari bo‘lib o‘tayapti.

16mart

Yaqinda NKMK Ma’naviyat va ma’rifat markazi tomonidan Toshkent davlat iqtisodiyot universiteti professorlari B.Aliyev va A.Muxtorovlar ishtirokida shu mavzudagi targ‘ibot tadbirlari Navoiy mashinasozlik zavodi, Geologiya-qidiruv ekspeditsiyasi, Markaziy moddiy-ta’minot bazasi ishchi-xodimlari ishtirokida o‘tkazildi. Ularda beshta ustuvor yo‘nalishi bo‘yicha Harakatlar strategiyasining “Ilm, ma’rifat va raqamli iqtisodiyotni rivojlantirish yili”da amalga oshirilishi ko‘zda tutilgan muhim ijtimoiy-iqtisodiy islohotlar, ularning jamiyatimizdagi ahamiyati alohida ta’kidlandi. Shuningdek, Prezidentimizning parlamentga qilgan Murojaatnomasi muhim dasturiy siyosiy hujjat ekanligi, unda mamlakatimizni yaqin keljakda rivojlantirishga oid yo‘nalishlar belgilab berilganligi, yurtimizda korrupsiyaga qarshi kurashish borasida olib borilayotgan chora-tadbirlar tushuntirildi.

Tadbirlarda ishtirokchilarni qiziqtirgan savollarga olimlar tomonidan javoblar berildi. Bunday tadbirlar kombinatning barcha bo‘linmalarida davom etadi.

NKMK Matbuot markazi.