18noyabr

18 noyabr – “O‘zbekiston Respublikasining Davlat

bayrog‘i to‘g‘risida”gi Qonun qabul qilingan kun

Davlat bayrog‘i – mamlakat davlat suverenitetining ramzi hisoblanib, u yer yuzining shu sarhadlarida mustaqil O‘zbekiston davlati borligini anglatadi va o‘zida milliy-madaniy anʼanalarimizni mujassamlashtirgan.

Davlatimiz bayrog‘i xalqaro maydonda, jumladan, mamlakatimiz rasmiy delegatsiyalarining xorijiy mamlakatlarga safarlari chog‘ida, xalqaro tashkilotlarda, konferensiyalarda, jahon ko‘rgazmalarida, sport musobaqalarida O‘zbekiston Respublikasining timsolidir.

Navoiy kon-metallurgiya kombinati bo‘linmalarida “O‘zbekiston Respublikasining Davlat bayrog‘i to‘g‘risida”gi Qonun qabul qilinganligining 29 yilligiga bag‘ishlangan tadbirlar o‘tkazilmoqda.

Sana munosabati bilan “1-GMZ” kon boshqarmasining majlislar zalida bo‘lib o‘tgan tadbirda maʼruzachilar tomonidan bayroqlar tarixi, uning jamiyatdagi o‘rni, davlatimiz bayrog‘idagi ramzlar O‘zbekiston sarhadida qadimda mavjud bo‘lgan davlatlar bilan tarixan bog‘liqligi, milliy ramzimiz bo‘lgan O‘zbekiston Respublikasi bayrog‘i barchamizda g‘urur va iftixor tuyg‘ularni uyg‘otishi taʼkidlandi.

Davlatimiz bayrog‘i tinch va osoyishta, ozod hamda erkin hayotimiz, yorug‘ kelajagimizga bo‘lgan ishonchimiz timsolidir. Davlat ramzlarining muqaddasligi, ular bizga yurt manfaati har narsada nustunligini anglatib, eslatib turishini har birimiz yodda tutishimiz shart.

NKMK Matbuot markazi.