O‘zbekiston Respublikasi Prezidentining 2020 yil 30 oktyabrdagi “Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida”gi farmoni ijrosini taʼminlash maqsadida har shanba kuni Navoiy kon-metallurgiya kombinati bo‘linmalarida ishchi-xodimlar ishtirokida sport va sog‘lomlashtirish tadbirlari o‘tkazilib kelinmoqda.

Jumladan, Markaziy kon boshqarmasi “Muruntov” koni ishchi-xodimlari, ayniqsa, xotin-qizlar sportning yengil atletika, basketbol, voleybol, zamonaviy beshkurash, stol tennisi kabi turlari bilan muntazam ravishda faol shug‘ullanib kelishmoqda. Yaqinda “Muruntov” koni rahbariyati va kasaba uyushma qo‘mitasi tomonidan kon mehnat jamoasida sport va sog‘lom turmush tarzini targ‘ib qilishga qo‘shayotgan munosib hissasi uchun bir guruh ishchi-xodimlar tashakkurnoma bilan taqdirlandi.

Markaziy kon boshqarmasi axborot xizmati.