O‘zbekiston Respublikasi Gender tenglikni taʼminlash masalalari bo‘yicha komissiyasi tomonidan Mahalla va oilani qo‘llab-quvvatlash vazirligi bilan hamkorlikda vazirlik va idoralar o‘rtasida “Gender tenglik faoli” milliy tanlovi o‘tkazish rejalashtirilgan. Shu munosabat bilan ayni paytda joylarda saralash bosqichlari bo‘lib o‘tmoqda.

11 fevral kuni mazkur tanlov ekspertlari kombinatga tashrif buyurib, taqdim etilgan hujjatlarning amaliyotdagi jarayonlari, shuningdek, NKMK oila va xotin-qizlarni qo‘llab-quvvatlash kengashi faoliyati bilan yaqindan tanishdilar.

– Xabaringiz bor, ushbu tanlovda NKMK ham asosiy daʼvogarlardan biridir. Bugun korxona xotin-qizlari faoliyati bilan tanishib, turli jabhalarda ishlayotgan soha vakillari uchun yaratilgan keng shart-sharoitlarga guvoh bo‘ldik va o‘rganishlar yuzasidan o‘z takliflarimizni bildirdik, – deydi Oliy Majlis Senati aʼzosi Dilbar Orziyeva.

“Farhod” madaniyat saroyida kombinat faol xotin-qizlar ishtirokida ekspertlar bilan davra suhbati bo‘lib o‘tdi.

Shuningdek, mehmonlar “NKMK tarixi” muzeyi va Navoiy mashinasozlik zavodida ham bo‘lishdi.

NKMK Matbuot markazi.