2 iyun kuni Navoiy mashinasozlik zavodi majlislar zalida “Kasbim, oilam – mening faxrim!” mavzusida maʼnaviy-maʼrifiy tadbir bo‘lib o‘tdi.

000306

NKMK Oila va xotin-qizlarni qo‘llab-kuvvatlash Kengashi raisi S.Nazarova, viloyat mahalla va oilani qo‘llab-quvvatlash boshqarmasi bosh mutaxassisi L.Haydarova, “Farhod” madaniyat saroyi xotin-qizlar yetakchisi N.Hamidovalar ayolning jamiyat va oilada tutgan o‘rni, farzandlar tarbiyasidagi roli xususida o‘z fikr-mulohazalarini bildirishdi.

Tadbirda zavod kran-mashinisti, “Mehnat shuhrati” ordena sohibasi Dildor Tilabova o‘zining faoliyati haqida so‘zlab berdi.

Navoiy mashinasozlik zavodida mehnat qilib kelayotgan Shahlo Buxorova, Sanobar Qo‘qonova, Tatyana Stanovova, Malohat Ochilova, Qunduzxon Irgasheva singari ilg‘or xotin-qizlari diplom va esdalik sovg‘alari bilan takdirlanishdi.

“Farhod” madaniyat saroyi xonandasi, “Shuhrat” medali sohibi Serijan Janaxmetov tomonidan ijro etilgan qo‘shiqlar barchaga manzur bo‘ldi.

NKMK Oila va xotin-qizlarni

qo‘llab-kuvvatlash Kengashi.