Navoiy kon-metallurgiya kombinatida yosh ishchi-xodimlar ishdan bo‘sh vaqtlarida sport bilan muntazam shug‘ullanishlari uchun barcha zarur shart-sharoitlar yaratilgan. Yoshlar o‘rtasida jamoaviy sport turlari ommalashgan bo‘lib, NKMK yoshlari yetakchilari Kengashi tashabbusi bilan kombinat bo‘linmalarida sportning mini-futbol va voleybol turlari bo‘yicha musobaqalar tashkil etilayapti.

000070

000071

Yaqinda kombinat yoshlari o‘rtasida mini-futbol va voleybol bo‘yicha “NKMK kubogi” turnirining o‘yinlar seriyasiga start berildi. Mazkur turnir doirasida mini-futbol bo‘yicha 14 ta hamda voleybol bo‘yicha 12 ta kombinat bo‘linmalarida faoliyat yuritayotgan yoshlardan iborat jamoalar o‘zaro kuch sinashishmoqda. Turnirning birinchi va ikkinchi seriya o‘yinlari Navoiy va Zarafshon shaharlari, Zafarobod va Zarkent qo‘rg‘onlarida o‘tkazildi. Bugungi kunda, Markaziy kon boshqarmasi va “1-son GMZ” kon boshqarmasi jamoalari mini-futbol bo‘yicha hamda 5-kon boshqarmasi va Shimoliy kon boshqarmasi jamoalari voleybol bo‘yicha o‘tkazilgan o‘yinlar sonidan kelib chiqib peshqadamlik qilmoqda. Turnirning asosiy o‘yinlari sentyabr va oktyabr oylarida o‘tkaziladi. G‘oliblar ko‘chma “NKMK kubogi” bilan hamda qimmatbaho sovg‘alar bilan taqdirlanishadi.

NKMK matbuot markazi.