Mamlakatimiz muhim siyosiy jarayon arafasida turibdi. 24 oktabr kuni O‘zbekiston Respublikasi Prezidenti saylovi bo‘lib o‘tadi. Bugungi kunda aholi o‘rtasida, jumladan korxona va tashkilotlarda saylov qonunchiligi, saylov jarayoni haqida maʼlumotlar berish maqsadida targ‘ibot tadbirlari o‘tkazilmoqda.

Navoiy kon-metallurgiya kombinati Geologiya-qidiruv ekspeditsiyasi majlislar zalida kombinat ishchi-xizmatchilari, muhandis-texnik xodimlari ishtirokida o‘tkazilgan ana shunday tadbirda Markaziy saylov komissiyasi aʼzosi Shuhrat Jo‘rayev, 5-Navoiy saylov okrugi aʼzosi Xolmamat Raupov va matbuot kotibi Temur Eshboyevlar ishtirok etdilar. Tadbirda so‘zga chiqqanlar saylov natijalari O‘zbekiston kelajagi, yurtimizda boshlangan keng ko‘lamli islohotlarning davomiyligini taʼminlashga bevosita daxldor ekanligini taʼkidlab, fuqarolarni saylovda faol ishtirok etib, o‘zlarining konstitutsiyaviy burchlarini bajarishga daʼvat etdilar.

00002002

Tadbirda shuningdek, 2019 yilning 25 iyunida qabul qilingan Saylov kodeksining mazmun-mohiyati, demokratiya ko‘zgusi hisoblangan bu siyosiy jarayonni yuqori saviyada, qonunchilik talablari va xalqaro standartlar talabi darajasida tashkil etish hamda fuqarolarning saylovda faol ishtirokini taʼminlash muhim vazifa ekanligi taʼkidlandi.

00002003

Muhim siyosiy jarayonga bag‘ishlangan targ‘ibot tadbirida saylovchilarning mavzuga oid savollariga javob berildi.

NKMK Matbuot markazi.