00081

2021-yil 8-oktabr kuni Navoiy kon-metallurgiya kombinati tomonidan Zarafshon shahrida imkoniyati cheklangan bolalar uchun barpo etilgan zamonaviy maxsus maktabgacha taʼlim tashkilotini foydalanishga topshirish marosimi bo‘lib o‘tdi.

00082

00083

00084

Tadbirda O‘zbekiston Respublikasi Maktabgacha taʼlim vaziri A.Shin, Navoiy kon-metallurgiya kombinati rahbariyati, tashkilot-korxonalar, jamoatchilik vakillari, nuroniylar, ommaviy axborot vositalari xodimlari ishtirok etishdi.

00085

00086

00087

00088

Keyingi yillarda mamlakatimizda muhtaram Prezidentimiz tomonidan aholini rozi qilish, ularga munosib hayot kechirishlari uchun qulay shart-sharoitlar yaratish bo‘yicha olib borilayotgan siyosatini Zarafshon shahrida ham amalga oshirilayotgani taʼkidlandi. So‘nggi yillarda kombinat tomonidan shaharda ko‘plab bunyodkorlik ishlarni amalga oshirib kelayotgani, jumladan, “Shodlik” mehribonlik uyi tarbiyalanuvchilari uchun Bolalar shaharchasi, favvarolar xiyoboni va ijtimoiy obyektlar qurib berilgani, imkoniyati cheklangan bolalar uchun foydalanishga topshirilayotgan maxsus maktabgacha taʼlim tashkiloti xayrli ishlarning mantiqiy davomi ekanligi aytib o‘tildi.

00089

00090 (1)

00091 (1)

Imkoniyati cheklangan bolalar uchun barpo etilgan ushbu zamonaviy maktabgacha taʼlim tashkiloti qurilish va jihozlash ishlariga 29,3 mlrd. so‘m sarflandi. Zamonaviy va barcha sharoitlarga ega muassasa 72 o‘ringa mo‘ljallangan bo‘lib, asosan Zarafshon shahri, Uchquduq va Tomdi tumanlarida yashovchi imkoniyati cheklangan bolalar qabul qilinishi rejalashtirilgan. Maskan maxsus jihozlar, tibbiyot uskunalari bilan taʼminlandi. Mashg‘ulotlar belgilangan dastur asosida guruhlar asosida olib boriladi. Uchta blokdan iborat ikki qavatli binoning ikkitasida liftlar o‘rnatilgan. Muassasa barcha qulayliklarga ega.

00092

00093

00094

Tadbirda mazkur maktabgacha taʼlim tashkilotiga O‘zbekiston Respublikasi Maktabgacha taʼlim vazirligi tomonidan 200 mln so‘mlik sertifikat topshirildi. Shuningdek, ushbu muassasani qurishda faol ishtirok etgan quruvchilar rag‘batlantirildi.

NKMK Matbuot markazi.