27-oktabr kuni Buyuk Britaniyaning “bne IntelliNews” jurnali bosh muharriri Ben Aris Navoiy kon-metallurgiya kombinatiga tashrif buyurib, NKMK bosh muhandisi Nikolay Snitka bilan uchrashdi.

Muloqot kombinatning dunyo reytingidagi o‘rni, 2017-2026 yillarda kombinatni rivojlantirish dasturi bo‘yicha olib borilayotgan ishlar, ishlab chiqarish natijalari, transformatsiya jarayonlari haqida bordi.

– Kombinatga ikkinchi bor kelishim. Ayni paytda gigant korxonada ro‘y berayotgan o‘zgarishlar, uning dunyoga yuzlanayotganidan qisman xabardor edim. Suhbat davomida korxona ulkan taraqqiyot yo‘lidan borayotganligi, qo‘lga kiritilgan yutuqlar, amalga oshirilayotgan ishlar katta taassurot qoldirdi. Korxonangiz faoliyatini o‘zim ishlayotgan jurnal orqali yoritmoqchiman, – dedi B.Aris.

Uchrashuv samimiy ruhda bo‘lib o‘tdi.

NKMK Matbuot markazi.