Mamlakatimizning yirik sanoat korxonalari va mahalliy ishlab chiqaruvchilar o‘rtasida tarmoqlararo sanoat kooperatsiyasi aloqalarini yanada kengaytirish maqsadida, joriy yilning 14-18-dekabr kunlari Toshkent shahridagi “O‘zekspomarkazi”da Respublika tarmoqlararo sanoat yarmarkasi o‘tkazildi.

Mazkur yarmarkada “Navoiy kon-metallurgiya kombinati” aksiyadorlik jamiyati 281 nomdagi o‘z mahsulotlari va import tovarlar namunasi bilan ishtirok etdi. Jumladan, ushbu yarmarka doirasida kombinat tomonidan cooperation.uz portali orqali 106 ta mahalliy ishlab chiqaruvchilardan mahsulotlarni harid qilish bo‘yicha umumiy qiymati 955,4 mlrd so‘m bo‘lgan 344 ta shartnoma tuzildi. Shunindek, kombinatda ishlab chiqarilgan mahsulotlarni realizatsiya qilish bo‘yicha 1,2 mlrd so‘mlik 8 ta shartnoma imzolandi. Bundan tashqari, NKMKning import tovarlarini respublika korxonalarida mahalliylashtirish va ular bilan kooperatsiya aloqalarini yanada kengaytirish maqsadida, mahalliy ishlab chiqaruvchilar bilan 37 ta hamkorlik memorandumlari imzolandi.

00000002212217

00000002212218

Shuni alohida taʼkidlash kerakki, “NKMK” AJ yarmarka doirasida eng ko‘p shartnoma tuzgan tarmoq korxonasi deb eʼtirof etildi.

“NKMK” AJ matbuot xizmati.