“NKMK” AJ Markaziy kon boshqarmasining Temir yo‘l transporti boshqarmasi mutaxassislari, ishchi-xodimlari temir yo‘l transporti kommunikatsiyalarini rivojlantirish, takomillashtirish va rekonstruksiya qilish, temir yo‘l orqali yuk va yo‘lovchi tashish xavfsizligini taʼminlash borasida salmoqli ishlarni amalga oshirmoqdalar.

Korxonada mehnat unumdorligini oshirish maqsadida olib borilayotgan saʼy-harakatlar ijobiy natijasini berayapti. O‘tgan yilda boshqarma jamoasi 2-gidrometallurgiya zavodiga maʼdan tashib berish yuzasidan belgilangan rejani muddatidan ancha oldin bajardi. Bunday yutuqlarga temir yo‘l ishining asosi sanalgan teplovozlardan samarali foydalanish, teplovozlarning doimo soz holatda bo‘lishi bilan erishish mumkin. Teplovozning soz holatini taʼminlashda uning sovutish tizimi alohida muhim o‘rin tutadi.

Teplovoz dizel generatorida issiqlikni kamaytirish uchun yopiq turdagi sovutish tizimi ishlaydi. Bunda ikkita mustaqil sovutish konturi mavjud bo‘lib, ularning har biri o‘z quvuri, suv nasosi, radiator bo‘limlari va motor-ventilyatorlariga ega. Sovutish konturi dizelning silindr, vtulka, turbokompressor va kollektorlarini sovutishga mo‘ljallangan. Qish mavsumida sovutgich yonilg‘ini, teplovoz mashinisti kabinasini hamda sanitariya moslamasidagi suvni isitish uchun ishlatiladi. Ushbu kontur yuqori harorat va past haroratli sovutishni taʼminlaydi.

000000001801221

Temir yo‘l transporti boshqarmasida 2009-2013-yillar oralig‘idagi davrda teplovozlar ko‘p hollarda aynan sovutish tizimining nosozligi oqibatida navbatdan tashqari taʼmirlash ishlariga jalb etilgan. Bu esa rudani barqaror tashish jarayoniga o‘zining salbiy taʼsirini ko‘rsatardi. Ana shu yillar Temir yo‘l transporti boshqarmasi faoliyatida mashaqqatli va sinovli davr bo‘ldi. Boshqarma rahbaru mutaxassislari vaziyatni to‘g‘ri baholab va zimmalridagi masʼuliyatni chuqur his qilgan holda so‘nggi yillarda teplovozlarning sovutish tizimidagi nosozliklarni bartaraf etishga innovatsion yondashuv asosida qator ishlarni amalga oshirdilar.

“NKMK” AJ matbuot xizmati.

Batafsil “Konchilar hayoti” gazetasining 2022-yil 14-yanvardagi 1-sonida:

http://www.ngmk.uz/uz/home/blog/matbuot-markazi/-konchilar-hayoti–gazetasi