Joriy yilning 19-yanvar kuni konchilik texnikalarini ishlab chiqaruvchi LiuGong Dressta Machinery Sp.z.o.o. kompaniyasi (Xitoy-Polsha) vakillari “Navoiy kon-metallurgiya kombinati” aksiyadorlik jamiyatida bo‘ldi.

“NKMK” AJ boshqarmasida mazkur xorijiy kompaniya vakillari Govard Deyl, Voysex Gardjala, Ilya Petuxov, Sergey Bereza “Navoiy kon-metallurgiya kombinati” aksiyadorlik jamiyati bosh muhandisi, boshqaruv aʼzosi Nikolay Snitka bilan uchrashishdi.

000000001901222

Uchrashuv davomida taʼkidlanganidek, kombinatda kon massasi va tarkibida oltin bo‘lgan maʼdanlarni qazib olish jarayonida ekskavator, avtoag‘dargich, buldozer, yukortkich kabi ko‘plab qudratli konchilik texnikalaridan keng foydalaniladi. Jumladan, kombinat bo‘linmalarida Polshada ishlab chiqariladigan Dressta buldozerlari va Xitoyda ishlab chiqariladigan LiuGong ekskavator va yukortkichlari ishlatiladi. Xorijiy kompaniya vakillari o‘zlarining mahsulotlari – konchilik texnikalarining hususiyatlari haqida batafsil maʼlumot berishdi. Shuningdek, ikkala kompaniya o‘rtasida hamkorlikni yana-da kengaytirish yuzasidan o‘zaro fikr almashildi.

Uchrashuvdan so‘ng, mazkur xorijiy kompaniya vakillari Navoiy mashinasozlik zavodida bo‘lib, korxonada ishlab chiqarish jarayonlari bilan yaqindan tanishdilar.

“NKMK” AJ matbuot xizmati.