“Navoiy kon-metallurgiya kombinati” aksiyadorlik jamiyatida yangi ish o‘rinlari yaratish, bo‘linmalardagi korxonalar joylashgan hududlarda istiqomat qilayotgan mahalliy aholining bandligini taʼminlashga alohida eʼtibor qaratilmoqda.

Markaziy kon boshqarmasidagi korxonalarda yo‘l-transport va muhandislik kommunikatsiya infratuzilmasini rivojlantirish bo‘yicha qator ishlar amalga oshirilmoqda. Jumladan, “Ajibugut” konidan 5-gidrometallurgiya zavodigacha bo‘lgan masofada 12,5 kilometr uzunlikda yangi temir yo‘l yotqizilib, texnik xizmat ko‘rsatish ishlari olib borilmoqda. Bu, “Ajibugut” konidan 5-GMZga tarkibida oltin bo‘lgan maʼdanni temir yo‘l transporti orqali tashish imkoniyatini beradi.

Xalq deputatlari Konimex tuman Kengashi deputati, “Qaraq-ata” ovul fuqarolar yig‘ini raisi N.Serikbayev Markaziy kon boshqarmasi maʼmuriyatiga mazkur temir yo‘l uchastkasida texnik xizmat ko‘rsatish uchun mahalliy aholi orasidan ishsiz fuqarolarning bandligini taʼminlash taklifi bilan murojaat qildi. Natijada 7 nafar fuqaro temir yo‘l montyori kasbi bo‘yicha qayta tayyorlanib, Temir yo‘l transporti boshqarmasiga ishga joylashtirildi.

000000002801222

– 18 yildirki, ishsizlik muammosi meni qiynayotgandi, – deydi “Ajibugut” ovul fuqarolar yig‘inida yashovchi N.Shamuratov. – Endi esa Markaziy kon boshqarmasi Temir yo‘l transporti boshqarmasiga montyor bo‘lib ishga joylashdim. 3 nafar farzandim bor. Bundan oilamiz xursand. Davlatimiz tomonidan yaratib berilayotgan bunday imkoniyatlardan xursandmiz.

“NKMK” AJ axborot xizmati.