Keyingi yillarda “Navoiy kon-metallurgiya kombinati” aksiyadorlik jamiyatida ishchi-xodimlarga transport xizmati ko‘rsatish yaxshilanib bormoqda.

O‘zbekiston Respublikasi Vazirlar Mahkamasining 2019-yil 22-maydagi “Yo‘lovchilarni avtobusda tashish xavfsizligini taʼminlashga doir qo‘shimcha chora-tadbirlar” to‘g‘risidagi qarori ijrosini taʼminlash maqsadida 2020-2022-yillarga mo‘ljallangan “Navoiy kon-metallurgi kombinatida avtobuslarda tashishni optimallashtirish va tashish xavfsizligini taʼminlash” loyihasi ishlab chiqilgan.

00000000220222

Ushbu loyiha asosida joriy yilning boshida kombinatga 5 ta 26 o‘rinli “SamAuto NP-26” rusumli va Xitoyda ishlab chiqarilgan 10 ta 45 o‘rinli “Sinotruk Howo ZZ6116H5QA” avtobuslari keltirildi. Konditsioner, videokuzatuv kamerasi bilan jihozlangan, yumshoq o‘rindiqli yangi avtobuslarning ko‘payib borayotganligi, yaratilayotgan qulayliklardan kombinat ishchi-xodimlari va mutaxassislari behad mamnun bo‘lishmoqda.

2022-yilda “NKMK” AJda 15 yildan ortiq vaqtdan buyon foydalanib kelinayotgan avtobuslarni almashtirish ko‘zda to‘tilgan. Shunga ko‘ra, yil yakuniga qadar qo‘shimcha 15 ta “Sinotruk Howo ZZ6116H5QA”, 20 ta “SamAuto HD50” va 65 ta “NP-26” rusumli avtobuslarni xarid qilish ko‘zda to‘tilgan.

Ushbu avtobuslardan kombinat ishchi-xodimlarini ish joylariga tashish, shuningdek, ishchi-xizmatchilar, ularning oilalari uchun yurtimizning tarixiy shaharlariga turistik sayohatlarini tashkil etish hamda ishchi-xizmatchilarimizni dam olish maskanlariga, farzandlarini yozgi dam olish oromgohlariga olib borish va olib kelish maqsadida foydalaniladi.

“NKMK” AJ matbuot xizmati.