Navoiy shahridagi “Farhod” madaniyat saroyida “Navoiy kon-metallurgiya kombinati” aksiyadorlik jamiyati, O‘zbekiston Jurnalistlari ijodiy uyushmasi hamkorligida tashkil etilgan “Milliy jurnalistika: anʼanalar davomiyligi va zamonaviylik” mavzusidagi respublika mediaforumining tantanali yopilish marosimi o‘tkazildi.

5 kun davom etgan mediaforumda mamlakatimizning barcha hududlaridan tashrif buyurgan respublika va viloyatlar ommaviy axborot vositalarining 100 nafarga yaqin vakillari va jurnalistlar ishtirok etishdi. Jumladan, O‘zbekiston Jurnalistlari ijodiy uyushmasi raisi Olimjon O‘sarov, O‘zbekiston jurnalistika va ommaviy kommunikatsiyalar universiteti rektori, O‘zbekiston Elektron ommaviy axborot vositalari milliy assotsiatsiyasi boshqaruvi raisi Sherzodxon Qudratxo‘ja, O‘zbekiston Respublikasi Oliy Majlisi Qonunchilik palatasi deputati Rasul Kusherbayev, “Jahon adabiyoti” jurnali bosh muharriri Ahmadjon Meliboyev, O‘zbekistonda xizmat ko‘rsatgan jurnalist Shuhrat Jabborov, O‘zbekiston Respublikasi Oliy Majlis Senati aʼzosi Farmon Toshev kabi taniqli jurnalistlar mediaforum ishtirokchilari bo‘lishdi.

0000000030032223

0000000030032224

Mazkur mediaforum doirasida tadbir ishtirokchilari uchun “NKMK” AJning Navoiy mashinasozlik zavodi, 7-gidrometallurgiya zavodi va “Muruntov” konida press-turlar o‘tkazildi. Press-turlar davomida OAV vakillari va jurnalistlar ishlab chiqarish jarayonlari bilan yaqindan tanishib, korxonalar rahbaru mutaxassislari, ishchi-xodimlari bilan suhbatlashishdi.

0000000030032225

0000000030032226

Respublika mediaforumining tantanali yopilish marosimida “NKMK” AJ bosh direktori, O‘zbekiston Qahramoni Q.Sanaqulov, O‘zbekiston Jurnalistlari ijodiy uyushmasi raisi O.O‘sarov, O‘zbekiston Respublikasi Oliy Majlis Senati aʼzosi F.Toshevlar so‘zga chiqishdi.

0000000030032227

0000000030032228

Mediaforum ishtirokchilariga “NKMK” AJ tomonidan qimmatbaho va esdalik sovg‘alar topshirildi.

0000000030032229

00000000300322210

“Farhod” madaniyati saroyi badiiy jamoalari va xonandalari tomonidan tayyorlangan konsert dasturi forum ishtirokchilariga ko‘tarinki kayfiyat ulashdi.

“NKMK” AJ matbuot xizmati.