2022-2026-yillarga mo‘ljallangan Yangi O‘zbekistonning Taraqqiyot strategiyasini 2022-yil – “Inson qadrini ulug‘lash va faol mahalla yili”da amalga oshirishga oid Davlat dasturida “Navoiy kon-metallurgiya kombinati” aksiyadorlik jamiyatiga qator vazifalar yuklatilgan.

Jumladan, Davlat dasturining 76.3-bandida kon-metallurgiya sanoati soxasida ekologik talablar va atrof-muhit muhofazasi meʼyorlarini xalkaro standartlar asosida belgilash dasturini, atrof-muxitga chiqariladigan ifloslantiruvchi moddalarni ekologik talablar doirasidan oshmasligini taʼminlash dasturini ishlab chiqish, kon-metallurgiya sanoati korxonalarida ilg‘or xorij tajribadan kelib chikib, ekologik menejment tizimini joriy etish belgilangan. Joriy yilning mart oyida “NKMK” AJ tomonidan Iqtisodiy taraqqiyot va kambag‘allikni qisqartirish vazirligi, “OKMK” AJ, Davlat ekologiya qo‘mitasi bilan hamkorlikda tegishli qaror loyihasi O‘zbekiston Respublikasi Vazirlar Mahkamasiga kiritildi.

Shuningdek, Davlat dasturining 109-bandida “NKMK” AJ tomonidan Navoiy shahrida “Biznesga ko‘maklashish markazi”ni tashkil etish va tadbirkorlarni biznes yuritishga o‘rgatish ko‘rsatib o‘tilgan. Navoiy viloyati hokimligi hamda Investitsiyalar va tashqi savdo vazirligi bilan birgalikda mazkur “Biznesga ko‘maklashish markazi”ni tashkil etish bo‘yicha Hukumat qarori loyihasi ishlab chiqilib, tegishli takliflar bilan O‘zbekiston Respublikasi Vazirlar Mahkamasiga kiritildi.

“NKMK” AJ matbuot xizmati.