Joriy yilning 20-may kuni “NKMK” AJ Geologiya-qidiruv ekspeditsiyasi majlislar zalida davlat tilida ish yuritish bo‘yicha seminar o‘tkazildi.

Seminarda Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi Navoiy viloyati hududiy bo‘linmasi rahbari H.Suyunov, markaz o‘qituvchisi N.Sadinova, Geologiya-qidiruv ekspeditsiyasi devonxona, kadrlar bo‘limi, maʼnaviy-maʼrifiy ishlar bo‘yicha masʼul xodimlar ishtirok etishdi.

0000000020052022`2

Bugungi kunda kombinat va uning bo‘linmalarida davlat tilida ish yuritish bo‘yicha tizimli ishlar amalga oshirilmoqda. Kombinat portalida davlat tilini o‘rganuvchilar va davlat tilida ish yurituvchilarga amaliy yordam sifatida o‘zbekcha-ruscha va ruscha-o‘zbekcha onlayn tarjimon dasturlari, lotin yozuviga asoslangan o‘zbek alifbosi hamda “Davlat tilida ish yuritish” nomli amaliy qo‘llanmaning elektron nusxasi joylashtirildi. Xodimlarning davlat tilini o‘rganishlari uchun korxona portalining elektron kutubxonasida (www.kitob.ngmk.uz) o‘zbek tili va adabiyoti bo‘yicha zarur adabiyotlar joylashtirilganligi taʼkidlab o‘tildi.

0000000020052022`3

Seminarda davomida so‘z olganlar tomonidan O‘zbekiston Respublikasi Prezidentining “Mamlakatimizda o‘zbek tilini yana-da rivojlantirish va til siyosatini takomillashtirish chora-tadbirlari to‘g‘risida”gi Farmoni hamda O‘zbekiston Respublikasi Vazirlar Mahkamasining “Lotin yozuviga asoslangan o‘zbek alifbosiga bosqichma-bosqich to‘liq o‘tishni taʼminlash chora-tadbirlari to‘g‘risida”gi qarori mazmun-mohiyati hamda davlat organlari va korxona tashkilotlarda davlat tilida yuzaga kelayotgan muammolar to‘g‘risida fikr mulohazalar bildirildi.

Seminarda markaz vakillari tadbir ishtirokchilarining davlat tilida ish yuritish, lotin alifbosini joriy etish va imlo qoidalariga oid ko‘plab savollariga javoblar berdilar.

“NKMK” AJ matbuot xizmati.