Joriy yilda respublikamizning 390 ming nafardan ortiq o‘quvchi-yoshlari umumtaʼlim maktablarini bitirmoqda. Har yili bo‘lgani kabi 25-may sanasi maktab bitiruvchilari uchun hayajonli va unutilmas kun bo‘ldi. Bugun mamlakatimizdagi barcha umumtaʼlim maktablarida “So‘nggi qo‘ng‘iroq” tadbirlari o‘tkazildi.

“NKMK” AJ Boshqaruv raisi – Bosh direktori Quvondik Sanaqulov Navoiy shahridagi 13-umumtaʼlim maktabida ana shunday tadbirda ishtirok etdi. U Prezidentimizning maktab bitiruvchilarga yo‘llagan tabrigini o‘qib eshittirdi.

000000000250520223

Yurtboshimiz maktablarning bitiruvchi o‘g‘il-qizlariga yo‘llagan tabrigida “Hech qachon unutmang, kelajakda sizni yana-da ulkan va masʼuliyatli marralar kutmoqda. Oldingizga aniq maqsad qo‘yib, bor kuch-g‘ayratingiz, bilim va salohiyatingiz bilan harakat qilsangiz, ko‘zlagan cho‘qqilarga albatta erishasiz”, deya yosh o‘g‘il-qizlarga yuksak umid va ishonch bildirganligi mustaqil hayotga qadam quyayotgan yoshlarga motivatsiya berib, ularga qanot bag‘ishlashi tabiiy.

000000000250520224

000000000250520225

“NKMK” AJ Boshqaruv raisi – Bosh direktori Q.Sanaqulovning mazkur maktabni muvaffaqiyatli tamomlab, mustaqil hayotga qadam qo‘yayotgan 52 nafar bitiruvchilari bilan uchrashuvi ko‘tarinki ruhda bo‘lib, o‘zaro muloqotda shu mavzuga eʼtibor qaratildi. Quvondik Sanaqulov o‘quvchilarga bugungi kunda yurtimizda olib borilayotgan keng ko‘lamli islohotlarning mazmun-mohiyatini tushuntirib, mamlakatimizda yoshlarga yaratilayotgan keng imkoniyatlar to‘g‘risida batafsil to‘xtaldi. Qariyb yarim asrlik hayotiy tajribasiga tayanib, mustaqil hayotga qadam qo‘yayotgan yoshlarga o‘z oldilariga qo‘yilgan maqsadlariga erishish yo‘lida o‘rganish, izlanish va intilishdan aslo to‘xtamasliklari kerakligi haqida qatʼiy xulosalarini bildirdi.

000000000250520226

Ochiq muloqot tarzida o‘tkazilgan uchrashuvda bitiruvchilarning ko‘plab savollariga javoblar berildi hamda yoshlarning kelajak orzulari xususidagi fikr-mulohazalari ham tinglandi.

“NKMK” AJ matbuot xizmati.