“Navoiy kon-metallurgiya kombinati” aksiyadorlik jamiyati bo‘linmalarida ishchi-xodimlarga korrupsiyaga qarshi kurashish bo‘yicha qabul qilingan normativ-huquqiy hujjatlarning mazmun-mohiyatini tushuntirish bo‘yicha seminarlar tashkil etilmoqda.

Yaqinda shunday seminarlar “NKMK” AJ Komplayens xizmati va Navoiy viloyati Adliya boshqarmasi hamkorligida Zarafshon shahrida Markaziy kon boshqarmasi va Zarafshon qurilish boshqarmasi hamda Uchquduq shahrida Shimoliy kon boshqarmasi ishchi-xodimlari ishtirokida o‘tkazildi.

Tadbirlarda “NKMK” AJ Komplayens xizmati, Markaziy kon boshqarmasi, Zarafshon qurilish boshqarmasi, Shimoliy kon boshqarmasi, Zarafshon shahar va Uchquduq tuman Adliya bo‘limlarii mas’ullarining maʼruzalari tinglandi.

Shuningdek, ishchi-xodimlar “NKMK” AJning korrupsiyaga qarshi kurashish siyosati hamda xodimlarning Odob-axloq kodeksi bilan tanishtirildi.

Tadbirlar yakunida kombinat xodimlari tomonidan savol va takliflar bildirildi.

“NKMK” AJ matbuot xizmati.