Oldin xabar berganimizdek, “Navoiy kon-metallurgiya kombinati” AJ da “Aileaders.uz” milliy ta’lim platformasida xodimlarni onlayn o‘qitish boshlandi. Kombinat boshqarmasida mazkur onlayn o‘qitish va “Besh million sun’iy intellekt yetakchilari” dasturi bo‘yicha kombinat xodimlari tomonidan sertifikat olish masalalariga bag‘ishlangan seminar o‘tkazildi.

Ushbu tadbir O‘zbekiston Respublikasi Prezidentining 2025-yil 22-oktabrdagi “Sunʼiy intellekt texnologiyalarini yanada rivojlantirishga oid qoʻshimcha chora-tadbirlar toʻgʻrisida”gi Farmoni hamda “NKMK” AJ da 2025-2030-yillarda sunʼiy intellekt texnologiyalarini rivojlantirish bo‘yicha yo‘l xaritasi doirasida tashkil etildi.

Seminarda kombinat xodimlariga Aileaders.uz platformasida onlayn o‘qitish va keyinchalik sertifikat olish zarurligi haqida ma’lumot berildi. Ularga sun’iy intellekt bo‘yicha bazaviy bilimlarni shakllantirishga qaratilgan dasturning maqsad va vazifalari, shuningdek, ushbu bilimlarning ishlab chiqarish va boshqaruv faoliyatida sun’iy intellekt texnologiyalarini amalda qo‘llash uchun ahamiyati tushuntirildi.

Shuningdek, platformada ro‘yxatdan o‘tish, o‘quv modullarini o‘zlashtirish, amaliy topshiriqlarni bajarish va sertifikat olish tartibi bo‘yicha qisqa yo‘riqnoma o‘tkazildi.

“NKMK” AJ Matbuot xizmati