Bugun Avstriyaning Moliya vazirligi, Tashqi ishlar vazirligi, banklari hamda O‘zbekistondagi elchixonasi vakillaridan tashkil topgan delegatsiya Navoiy kon-metallurgiya kombinatiga tashrif buyurdi.

“NKMK” AJ boshqarmasida kombinat rahbariyati va xorijiy delegatsiya vakillari o‘rtasida uchrashuv o‘tkazildi. Uchrashuvda Avstriya korxonalari hamda kombinat o‘rtasida o‘zaro manfaatli hamkorlikni kengaytirish masalalari muhokama etildi.

Xususan, muloqot davomida Avstriya banki tomonidan moliyalashtirilgan investitsion loyiha bo‘yicha “Liebherr” rusumli buldozer va gidravlik ekskavatorlar kabi konchilik texnikalari kombinatga keltirilib, konlarda maʼdan qazib olish jarayonida samarali foydalanilayotganligi qayd etildi.

Shuningdek, uchrashuvda xorijiy delegatsiya vakillariga kombinat faoliyati, so‘nggi yillarda ishga tushirilgan yangi korxonalar, erishilgan yutuqlar va amalga oshirilayotgan loyihalar to‘g‘risida maʼlumot berildi.

“NKMK” AJ Matbuot xizmati.