11-mart kuni Navoiy kon-metallurgiya kombinatida O‘zbekiston Respublikasi Prezidentining 2026-yil 16-fevraldagi “Mamlakat taraqqiyotining 2030-yilgacha mo‘ljallangan ustuvor yo‘nalishlari doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari to‘g‘risida”gi hamda “Mahallani rivojlantirish va jamiyatni yuksaltirish yili”da ustuvor yo‘nalishlar bo‘yicha islohotlar dasturlari va “O‘zbekiston – 2030” strategiyasini amalga oshirish bo‘yicha davlat dasturi to‘g‘risida”gi Farmonlari mazmun-mohiyatini keng targ‘ib etishga bag‘ishlangan seminar bo‘lib o‘tdi.

Videoselektor ko‘rinishda bo‘lib o‘tgan seminarda “NKMK” AJ bosh direktorining birinchi o‘rinbosari J.Xasanov, bosh direktor o‘rinbosari M.Alqarov, Xodimlarni o‘qitish va rivojlantirish bo‘limi boshlig‘i A.Rizayev va Atrof-muhitni muhofaza qilish bo‘limi boshlig‘i X.Baqoyevlarning maʼruzalari tinglandi.

Shuningdek, seminarda “Mahallani rivojlantirish va jamiyatni yuksaltirish yili” Davlat dasturi hamda “Navoiy kon-metallurgiya kombinati” AJ chora-tadbirlar dasturi ijrosini tashkil etish masalalari ham muhokama etildi.

Kun tartibiga doir vazifalar belgilab olindi.

“NKMK” AJ Matbuot markazi