“NKMK” AJ Shimoliy kon boshqarmasining Uchquduq shahridagi O‘quv markazida ishchi-xodimlarni o‘qitish va rivojlantirish bo‘yicha komissiyaning yig‘ilishi bo‘lib o‘tdi.

Tadbirda kombinatning Markaziy, Shimoliy, Janubiy kon boshqarmalari o‘quv markazlari hamda Navoiy shahridagi O‘quv markazi rahbarlari o‘zaro tajriba almashishdi. Unda ishlab chiqarishni raqamlashtirish sharoitida o‘qitishni kompaniyaning strategiyasiga integratsiya qilish muhimligiga urg‘u berildi.

Yig‘ilishda taʼkidlanganidek, o‘qitish orqali ishchi-xodimlar ilg‘or tajribalarni o‘zlashtirish, o‘z ko‘nikmalarini rivojlantirish va vazifalarni bajarishda nostandart yondashuvlarni qo‘llash imkoniyatiga ega bo‘ladi. Bu esa, o‘z navbatida, mehnat bozorida barqaror raqobat ustunligini taʼminlaydi. Natijada o‘qitish jarayonlari doimiy ravishda kompaniya strategiyasiga integratsiya qilinishi kerak. Bu nafaqat joriy loyihalarni muvaffaqiyatli amalga oshirishni taʼminlaydi, balki kelajakdagi o‘zgarishlarga zamin yaratadi.

Ochiq muloqot yakunida kombinat o‘quv markazlarining umumiy maqsadlarga erishishga qaratilgan faoliyatining muhimligi alohida taʼkidlandi.

“NKMK” AJ Matbuot xizmati.