Janubiy kon boshqarmasi mehnat jamoasi Navoiy kon-metallurgiya kombinati bo‘linmalari o‘rtasida birinchilardan bo‘lib konlarda maʼdan qazish ishlari ko‘rsatkichlari hamda mahsulot ishlab chiqarish bo‘yicha belgilangan yillik rejasini muddatidan oldin bajardi.

Bunday natijani qo‘lga kiritishda “Zarmitan”, “G‘ujumsoy” va “Marjonbuloq” konlari, 4-gidrometallurgiya zavodi, “Marjonbuloq” oltin ajratish sexi jamoalarining munosib hissasi bor.

Shu jumladan, “Marjonbuloq” oltin ajratish sexi jamoasi mahsulot ishlab chiqarish bo‘yicha yillik rejasini kombinatda birinchi bo‘lib, muddatidan oldin bajardi. Shuningdek, 4-gidrometallurgiya zavodi jamoasi mahsulot ishlab chiqarish bo‘yicha yillik rejasini kombinat gidrometallurgiya zavodlari orasida birinchi bo‘lib bajardi.

Korxonalar jamoalarini yuksak natijalar bilan samimiy muborakbod etib, sharafli ishlarida muvaffaqiyatlar tilaymiz!

“NKMK” AJ Matbuot xizmati