Navoiy kon-metallurgiya kombinati bo‘linmalarida ishchi-xodimlarga Raqobatni rivojlantirish va isteʼmolchilar huquqlarini himoya qilish qo‘mitasi huzuridagi Raqobat siyosati va isteʼmolchilar huquqlari tadqiqotlari markazi tomonidan ishlab chiqilgan uslubiy qo‘llanmalar asosida monopoliyaga qarshi komplayens xizmati masʼullari tomonidan o‘quv seminarlar o‘tkazilmoqda.

Jumladan, “Qizilqum” kon boshqarmasida Korrupsiyaga qarshi kurashish siyosati va xodimlarning odob-axloq qoidalari, raqobat qonunchiligi va uning buzilish ehtimollari hamda unga kiritilayotgan o‘zgarishlar, yangiliklar to‘g‘risida o‘quv seminar tashkil etildi.

Tadbir yakuni bo‘yicha Komplayens xizmati mas]ullari tomonidan uslubiy qo‘llanmalar asosida olib borilgan targ‘ibot natijasi bo‘yicha xodimlar o‘rtasida O‘zbekiston Respublikasining “Raqobat to‘g‘risida”gi Qonuniga oid test o‘tkazildi va bukletlar tarqatildi.

“NKMK” AJ Matbuot xizmati