“Navoiy kon-metallurgiya kombinati” AJ vakillari yer osti konlaridagi ishlab chiqarish jarayonlari bo‘yicha tajriba almashish maqsadida Xitoyning Shandong provinsiyasidagi “Shandong Gold Group” oltin ishlab chiqarish kompaniyasining yer osti konlariga tashrif buyurdi.

Tashrif davomida kombinat mutaxassislari shaxtalardagi kon bosimi va zarbi, yer osti konlarida raqamli texnologiyalarni rivojlantirish orqali ishlab chiqarish samaradorligini oshirish hamda mehnat muhofazasi va xavfsizlik texnikasi qoidalariga qatʼiy rioya etilishi bo‘yicha o‘rganish ishlarini olib borishdi.

Kombinat mutaxassislari olgan amaliy ko‘nikmalar yer osti konlaridagi ishlab chiqarish jarayonlarini raqamlashtirishda muhim ahamiyat kasb etadi.

“NKMK” AJ Matbuot xizmati