Navoiy kon-metallurgiya kombinatida muhandis kadrlarni tayyorlash, o‘qitish, qayta tayyorlash va malakasini oshirishga alohida eʼtibor qaratilmoqda.

Xususan, 2-5-dekabr kunlari kombinatning Navoiy shahridagi O‘quv markazida “NKMK” AJ boshqarmasi mineral-xomashyo resurslari bo‘limi va Geologiya-qidiruv ekspeditsiyasi mutaxassislari uchun “Leapfrog Geo” dasturiy taʼminoti bilan ishlash bo‘yicha o‘quv kursi o‘tkazilmoqda. O‘qitish “Bentley systems” kompaniyasining Qozog‘istondagi vakillari tomonidan olib borilmoqda.

Taʼkidlash kerakki, ushbu dasturiy taʼminot 3 yil avval mineral-xomashyo resurslari bo‘limi bazasida joriy etilgan bo‘lib, 2024-yilda Geologiya-qidiruv ekspeditsiyasi bo‘linmalarida qo‘llanilmoqda.

Kombinat mutaxassislarining dasturiy taʼminot bilan ishlash bo‘yicha amaliy ko‘nikmalari ularga uch o‘lchamli modellashtirish yordamida mineral-xomashyo resurslari va geologiya-qidiruv maʼlumotlarini baholash jarayonini yaxshilash imkonini beradi.

“NKMK” AJ Matbuot xizmati.