“Navoiy kon-metallurgiya kombinati” AJ O‘zbekiston Respublikasi iqtisodiyotida, ayniqsa, Davlat byudjeti daromadlarini shakllantirishda salmoqli ulushga ega.

Milliy statistika qo‘mitasining tahliliy sharhida qayd etilganidek, “NKMK” AJ tomonidan 2024-yilda O‘zbekiston Respublikasi Davlat byudjetiga 57,5 trln. so‘m miqdorida soliqlar va dividendlar to‘landi. Bu to‘lovlarning Davlat byudjeti daromadlaridagi ulushi 20 foizdan ortiqni tashkil etgan. Soliq qo‘mitasi tomonidan muntazam eʼlon qilib borilayotgan mamlakatimizdagi eng yirik soliq to‘lovchilar ro‘yxatida kombinat birinchi o‘rinni egallab turibdi.

Shuningdek, Navoiy kon-metallurgiya kombinati mamlakatimiz iqtisodiyoti rivojiga qo‘shgan hissasi inobatga olinib, so‘nggi yillarda “Namunali soliq to‘lovchi” sifatida ham eʼtirof etilib, bir necha marotaba Soliq qo‘mitasining Faxriy yorlig‘i bilan taqdirlandi.

“NKMK” AJ Matbuot xizmati