Navoiy kon-metallurgiya kombinatida import o‘rnini bosuvchi yangi turdagi mahalliylashtirilgan mahsulotlarni o‘zlashtirish bo‘yicha keng qamrovli ishlar amalga oshirmoqda.

Mahalliylashtirilgan mahsulotlarni ishlab chiqarishni ko‘paytirish yuzasidan qabul qilingan dasturni amalga oshirishda kombinatning har bir bo‘linmasi munosib hissasini qo‘shmoqda. Xususan, Zarafshon qurilish boshqarmasida mazkur yo‘nalishda qator loyihalar amaliyotga tatbiq etilmoqda.

Jumladan, 2023-yilda 147 mlrd. so‘mlik 22 turdagi mahsulotlar o‘zlashtirilgan bo‘lsa, joriy yilda 178 mlrd. so‘mlik 26 turdagi mahsulotlar mahalliylashtirilishi rejalashtirilgan. Bular profnastil, shlakoblok, bruschatka, setkali rabitsa, anker boltlari, konveyer roliklari, alyuminiy eshik va deraza romlari, g‘isht, temir-beton mahsulotlari hisoblanadi.

Bu, o‘z navbatida obyektlarda qurilish xarajatlarini sezilarli darajada pasaytirish, mablag‘larni iqtisod qilish hamda qurilish obyektlariga materiallarni o‘z vaqtida yetkazib berishga imkon yaratmoqda.

“NKMK” AJ Matbuot xizmati