17-20-iyun kunlari Buyuk Britaniya poytaxti London shahrida Xalqaro obligatsiya investorlari forumi o‘tkazildi. Ushbu forumda “Navoiy kon-metallurgiya kombinati” AJ vakillari ham ishtirok etishdi.

Xalqaro obligatsiya investorlari forumi – Buyuk Britaniyaning Biznes va savdo vazirligi tomonidan har yili o‘tkaziladigan tadbir bo‘lib, global qarz bozorlari, ESG boshqaruvi va xalqaro kapital bozorlarini rivojlantirish bo‘yicha muloqot maydoniga aylandi.

Mazkur forum doirasida kompaniya vakillari – bosh yuriskonsult Milana Xayitova va korporativ kotibiyat mudiri-korporativ maslahatchi Sunnatillo Murtazoyev korporativ boshqaruv, IPO va yevroobligatsiyalar bo‘yicha seminar, London fond birjasi tomonidan tashkil etilgan 2025-yilgi kapital bozorlari bo‘yicha Yevropa anjumani, investorlar bilan uchrashuvlar va ixtisoslashtirilgan tarmoq tadbirlarida ishtirok etishdi.

Ushbu tadbirlar nafaqat NKMKning xalqaro moliya hamjamiyati bilan o‘zaro hamkorligini mustahkamladi, balki O‘zbekiston tog‘-kon sanoatini yana-da modernizatsiya qilish, shaffoflik va barqaror moliyalashtirish uchun muhim ahamiyat ega maʼlumotlarni taqdim etdi.

“NKMK” AJ Matbuot xizmati