O‘zbekiston Respublikasi Prezidentining 2025-yil 22-oktabrdagi “Sunʼiy intellekt texnologiyalarini yana-da rivojlantirishga oid qo‘shimcha chora-tadbirlar to‘g‘risida”gi Farmoni ijrosi doirasida “Navoiy kon-metallurgiya kombinati” AJ “AI Alliance” (“Sunʼiy intellekt alyansi”) aʼzosi bo‘ldi.

Kombinat va “AI Alliance” vakillari o‘rtasida bo‘lib o‘tgan uchrashuvda kompaniyaga “Sunʼiy intellekt alyansi” dagi ishtirokini tasdiqlovchi sertifikat topshirildi.

Kompaniya uchun “AI Alliance” da ishtirok etish bir qator imkoniyatlarni taqdim etadi:

- ekspertlar hamjamiyati va sohadagi amaliyotlardan foydalanish – ishlab chiqarish jarayonlariga sunʼiy intellektni joriy etish bo‘yicha tajriba almashish, namunaviy yondashuvlar, uchraydigan xatolar va sinovdan o‘tgan yechimlarni muhokama qilish.

- qo‘shma tashabbuslar va sinov loyihalarda ishtirok etish – hamkorlik tajribasi, metodologiyasi va tayyor ishlanmalardan foydalangan holda loyihalarni tezroq ishga tushirish imkoniyati.

- kadrlar va ko‘nikmalarni rivojlantirish – korxona mutaxassislarini o‘quv va ekspert dasturlariga jalb qilish, sunʼiy intellektni joriy etish uchun masʼul bo‘lgan jamoalarni tayyorlash sifatini oshirish.

- sunʼiy intellektni masʼuliyatli qo‘llashda yagona yondashuvlar – intellektual yechimlarni joriy etishda maʼlumotlar sifati, xavfsizlik, xavflarni boshqarish bo‘yicha amaliyotlarni mustahkamlash.

- texnologik hamkorlikni kengaytirish – samarali sunʼiy intellekt yechimlarini kengaytirish uchun tegishli tashkilotlar, ishlab chiquvchilar bilan yangi aloqalar va hamkorlik.

“NKMK” AJ tomonidan sunʼiy intellektni ishlab chiqarish va boshqaruv jarayonlarida qo‘llashni izchil rivojlantirilib, samaradorlik, ish xavfsizligi, rejalashtirish sifati va qaror qabul qilish tezligini oshiradigan yechimlarga ustuvor ahamiyat berilmoqda. “AI Alliance” da ishtirok etish bu ishni yanada tizimli qilish, sinov loyihalarni amaliyotga tatbiq etishni tezlashtirish va joriy etilayotgan texnologiyalardan olinadigan samarani oshirish imkonini beradi.

“NKMK” AJ Matbuot xizmati