“Navoiy kon-metallurgiya kombinati” AJ va “International Women in Mining” (“IWiM” – tog‘-kon sanoatidagi Xalqaro ayollar tashkiloti) o‘rtasida davom etayotgan hamkorlik doirasida kombinat mutaxassislari va xalqaro tashkilot vakillari ishtirokida onlayn uchrashuv o‘tkazildi.

Mazkur tadbir inklyuziv korporativ madaniyatni rivojlantirishning asosiy yo‘nalishi sifatida metallurgiyada xotin-qizlarni rivojlantirishda ochiq muloqot va tajriba almashish uchun muhim ahamiyatga ega. Uchrashuv ishtirokchilari “NKMK” AJ va “IWIM” o‘rtasidagi hamkorlikning 2024-yilda boshlanganidan buyon rivojlanishini muhokama qilib, 2026-yilda hamkorlikning yangi yo‘nalishlari bo‘yicha fikr almashdi.

Uchrashuvda kombinatning gender tenglik va inklyuzivlik bo‘yicha strategik yo‘nalishlaridan biri ko‘nikmalarni rivojlantirish, metallurgiya sohasida xotin-qizlarning xalqaro taʼlim dasturlaridan foydalanish imkoniyatlarini kengaytirish, global professional hamjamiyatlarda ishtirok etishdan iborat ekanligi taʼkidlandi. “IWIM” hamkorlari bilan tajriba almashishni kengaytirish va ilg‘or xalqaro amaliyotlar bilan tanishish imkoniyatlariga alohida eʼtibor qaratildi.

Tadbir ishtirokchilari “NKMK” AJ va “IWIM” o‘rtasidagi hamkorlikni yanada mustahkamlash maqsadida kelgusi yilda birgalikdagi ishlarning asosiy yo‘nalishlarini kelishib olishdi. Kombinat gender tenglik, yetakchilik va kasbiy o‘sish bo‘yicha tashabbuslarni rivojlantirish, tog‘-kon sanoatida ayollarning rolini kuchaytish va shu bilan kompaniyaning barqaror rivojlanish sohasidagi faoliyatini mustahkamlashni davom ettiradi.

“NKMK” AJ Matbuot xizmati