“Navoiy kon-metallurgiya kombinati” AJ faoliyatida xalqaro standartlarni joriy etish, ochiqlik va shaffoflikni taʼminlash, korrupsiyaga qarshi kurash borasida tizimli ishlar olib borilmoqda.

ISO 37001:2016 “Korrupsiyaga qarshi boshqaruv tizimlari. Foydalanish uchun talablar va tavsiyalar” xalqaro standarti – bu tashkilotda korrupsiyaga qarshi kurashning samarali tizimini yaratishning xalqaro usullarini o‘zida jamlagan, korrupsiyaga qarshi mukammal boshqaruv tizimini yo‘lga qo‘yishga xizmat qiladigan xalqaro standartdir. Mazkur standart korrupsiyaga qarshi boshqaruv tizimini ishlab chiqish, joriy etish, qo‘llab-quvvatlash, tahlil qilish va takomillashtirish uchun talab va ko‘rsatmalarni belgilaydi.

“NKMK” AJda korrupsiyaga qarshi kurashish sohasida tashkil etilgan boshqaruv tizimi va mexanizmlar “Korrupsiyaga qarshi kurashish menejment tizimi” ISO 37001:2016 xalqaro standarti talablariga muvofiqligi “CERT International” tashkiloti tomonidan tashqi auditdan o‘tkazilib, kombinat 2024-yil 28-avgust kuni ISO 37001:2016 xalqaro standart sertifikatini qo‘lga kiritgan edi.

Joriy yilning 28-29-iyul kunlari “CERT International” tashkiloti tomonidan mazkur xalqaro standartning talablari bajarilishi yuzasidan birinchi kuzatuv auditi o‘tkazildi. Audit natijalariga ko‘ra, kombinat faoliyatining korrupsiyaga qarshi kurashish tizimi yana bir bor xalqaro standart talablariga muvofiq deb baholandi va tashkilotga berilgan mazkur sertifikat bir yil davomida amalda bo‘lishi tasdiqlandi.

Kombinatda ISO 37001:2016 xalqaro standarti joriy etilishi kompaniyaga nisbatan fuqarolarning ishonchini orttirish, xodimlarning halolligini oshirish, huquqbuzarliklarni kamaytirish, kombinatning xalqaro nufuzi, imijini yuksaltirish hamda korxona faoliyatining shaffof va samarali tizimini yaratish uchun muhim ahamiyat kasb etadi.

“NKMK” AJ Komplayens xizmati.