Ushbu sertifikat korxonada axborot xavfsizligi menejmenti tizimi va axborotni himoya qilish xalqaro standartlarga muvofiqligi, xavf-xatarlarni boshqarish va maxfiy maʼlumotlar, kibertahdidlarga qarshi kurashish va bulutli texnologiyalarni himoya qilish ishonchliligini tasdiqlaydi.

Yana bir eʼtirofga molik jihati, ushbu xalqaro sertifikat mavjudligi NKMKning investitsiyaviy jozibadorligini oshiradi hamda AKT sohasida yetakchilik maqomini mustahkamlaydi.

Axborot texnologiyalari va raqamlashtirish bo‘yicha direktor Bahodir Davlatov shunday deydi:

“Ushbu sertifikatni qo‘lga kiritish raqamli transformatsiya, texnologik jarayonlar, maʼlumotlar xavfsizligi bo‘yicha olib borilgan keng ko‘lamli ishlar, mutaxassislarimiz mehnati, izlanishi natijasidir. ISO/IEC 27001:2023 xalqaro standartini keng joriy etish korxonada nafaqat axborot xavfsizligini taʼminlash, balki tahdidlarning oldini olish imkonini ham beradi. Bu esa global raqamlashuv sharoitida ishlab chiqarishning uzluksizligini taʼminlaydi”.

“Kiberxavfsizlik markazi” DUK tomonidan “NKMK” AJ vakillariga bugun ISO/IEC 27001:2023 xalqaro standartga muvofiqlik sertifikati tantanali ravishda topshirildi.

“NKMK” AJ Matbuot markazi