Joriy yil 5-maydan boshlab “Navoiy kon-metallurgiya kombinati” AJda “Face ID” texnologiyasidan foydalangan holda elektron test sinovlari tizimi ishga tushirildi.

Yangi raqamli platforma xodimlarning mehnat muhofazasi va xavfsizlik texnikasi bo‘yicha bilimlarini baholash uchun mo‘ljallangan. Biometrik identifikatsiya tufayli tizim testni aynan unga belgilangan xodim topshirayotganini kafolatlaydi.

“Face ID” texnologiyasi test jarayonini nazorat qilish va reglament buzilishining oldini olish imkonini ham beradi. Birinchi bosqichda korxonaning turli ishlab chiqarish uchastkalarida 4 200 nafardan ortiq xodim testdan o‘tkazilishi rejalashtirilgan. Kombinat o‘quv markazlari kompyuter texnikasi, veb-kameralar hamda video kuzatuv tizimi bilan jihozlangan. Bu baholash jarayoni shaffofligini taʼminlaydi va bilim sifati nazoratini oshiradi.

Korporativ jarayonlarga biometrik yechimlarni joriy etish – “NKMK” AJning mehnat samaradorligi va xavfsizligini oshirishga qaratilgan keng ko‘lamli raqamli transformatsiya jarayonining bir qismidir.

“NKMK” AJ Matbuot xizmati