Navoiy shahridagi Sport saroyida Navoiy kon-metallurgiya kombinati ishchi-xodimlari o‘rtasida sportning voleybol turi bo‘yicha “Qizilqum” kon boshqarmasi 1-gidrometallurgiya zavodining 60 yilligiga bag‘ishlab “1-GMZ 60 yilligi kubogi” turniri o‘tkazildi.

3-kasaba uyushmasi qo‘mitasi hamda yoshlar yetakchilari Kengashi tomonidan tashkil etilgan turnirda kombinat bo‘linmalari, Navoiy davlat konchilik va texnologiyalar universiteti va kon boshqarmasi bo‘linmalarida ishlaydigan ishchi-xodimlardan tashkil topgan 10 ta jamoa ishtirok etdi.

Yakuniy natijaga ko‘ra, Navoiy mashinasozlik zavodi jamoasi kubok sohibiga aylandi. “Qizilqum” kon boshqarmasi jamoasi 2-o‘rin hamda Navoiy davlat konchilik va texnologiyalar universiteti jamoasi 3-o‘rinni qo‘lga kiritdi.

G‘oliblar tashkilotchilar tomonidan sovg‘alar bilan taqdirlandi.

“NKMK” AJ Matbuot xizmati.