Navoiy kon-metallurgiya kombinati tomonidan joylarda ijtimoiy himoyaga muhtoj oilalarni moddiy va ma’naviy qo‘llab-quvvatlashga qaratilgan tadbirlar amalga oshirilib kelinmoqda.

Yaqinda Nurota tumanidagi “Mustaqillik”, “Amir Temur” va “Ibn Sino” mahalla fuqarolar yig‘inlari, 19-umumta’lim maktabida biriktirilgan mas’ullar hamda mahallalar yettiligi ishtirokida aholi bandligini ta’minlash, oilalarning turmush farovonligini oshirish maqsadida amalga oshirilayotgan “Kambag‘allikdan farovonlik sari” dasturi ijrosi yuzasidan targ‘ibot tadbirlari o‘tkazildi.

Tadbirlarda bu borada O‘zbekiston Respublikasi Prezidenti tomonidan qabul qilingan farmon va qarorlarning mazmun-mohiyati, mamlakatimizda olib borilayotgan ijtimoiy-iqtisodiy islohotlar keng tushuntirilib, mavzu yuzasidan fuqarolarni qiziqtirgan savollarga javoblar berildi.

“NKMK” AJ Matbuot xizmati.