Hurmatli hamkasblar, kasaba uyushmalari xodimlari!

Sizlarni, 11-noyabr – O‘zbekiston kasaba uyushmalari kuni hamda kasaba uyushmalarining 120 yillik yubileyi munosabati bilan chin qalbdan tabriklaymiz!

Bugungi kunda Sizlar mamlakatimizdagi eng yirik kasaba uyushmalaridan biri – 82 ming nafardan ortiq aʼzolarni birlashtirgan NKMK xodimlari kasaba uyushmasi safida fidokorona mehnat qilib kelmoqdasizlar.

Bu nafaqat faxrli, balki juda masʼuliyatli vazifadir. Sizlarning ishchi-xodimlarimizning ijtimoiy-iqtisodiy huquqlarini himoya qilish, munosib mehnat sharoitlarini yaxshilash, sog‘lomlashtirish kabi yo‘nalishlarda olib borayotgan ishlaringiz yuksak eʼtirofga munosib.

Kombinat jamoasi erishayotgan yutuqlarida kasaba uyushmasining o‘rni juda katta bo‘lmoqda.

Ayni paytda NKMK kasaba uyushmalarining 82 ming nafardan ziyod aʼzosi bo‘lib, u mamlakatimizdagi eng yirik uyushma hisoblanadi.

Biz kasaba uyushmasi Kengashi bilan Jamoa shartnomasining bajarilishini taʼminlash bo‘yicha doimiy ravishda hamkorlikda ish olib bormoqdamiz. Ishchi-xodimlarimiz va ularning oila aʼzolari uchun barcha shart-sharoitlarni yaratib berayapmiz.

Sizlarning har biringiz o‘z ish faoliyatingizda yuksak masʼuliyat, tashabbuskorlik va mehnatsevarlik namunasini ko‘rsatib kelmoqdasiz.

Barchangizni yana bir bor O‘zbekiston kasaba uyushmalari kuni” hamda O‘zbekiston kasaba uyushmalari harakatining 120 yilligi munosabati bilan chin qalbimizdan tabriklaymiz!

Sizlarga sog‘lik-salomatlik, oilangizga tinchlik va xotirjamlik, ish faoliyatingizda yangi zafarlar va ulkan muvaffaqiyatlar tilaymiz.

Quvondiq SANAQULOV,

“Navoiy kon-metallurgiya kombinati” AJ

Boshqaruvi raisi – Bosh direktori.