“S&P Global Ratings” xalqaro reyting agentligi “Navoiy kon-metallurgiya kombinati” AJning uzoq muddatli kredit reytingini “Barqaror” prognozi bilan “BB” darajasigacha oshirganini e’lon qildi.

“S&P Global Ratings” xalqaro reyting agentligi Oʻzbekiston Respublikasining suveren reytingini oshirganidan soʻng, “NKMK” AJning kredit reytingini yangiladi. Reytingdagi ijobiy oʻzgarish kompaniyaning mustahkam moliyaviy holati va faoliyatining barqarorligini aks ettiradi.

Reyting prognozi Oʻzbekiston Respublikasining suveren kredit reytingiga mos keladi. Reyting agentligi tomonidan “NKMK” AJ amaldagi moliyaviy yondashuvni saqlab qolishi orqali mamlakat iqtisodiyotiga oʻz salmoqli hissasini qoʻshishda davom etishi kutilmoqda.

“S&P Global Ratings” press-relizi: https://www.spglobal.com/ratings/en/regulatory/article/-/view/type/HTML/id/3487796

Kompaniya haqidagi qo‘shimcha ma’lumot bilan https://www.ngmk.uz/ veb-saytida tanishish mumkin.

PRESS-RELIZ

“NKMK” AJ Matbuot xizmati