Navoiy kon-metallurgiya kombinati korxonalarida ishlab chiqarish rejalarini o‘z vaqtida bajarilishini taʼminlash, ish unumdorligini oshirishda zamonaviy konchilik texnikalar muhim ahamiyat kasb etadi. Shu maqsadda, kombinat bo‘linmalarida konchilik texnikalari tarkibi muntazam yangilanib borilayapti.

Bugungi kunda Shimoliy kon boshqarmasiga qarashli “Sharqiy” konida konchilik ishlari “Qoqpatas va Dovg‘iztov oltin konlarida maʼdan qazib olish 3-navbati” investitsion loyihasi doirasida amalga oshirilmoqda. Joriy yilning o‘tgan vaqti mobaynida mazkur konga yuqori texnik-iqtisodiy ko‘rsatkichlarga ega “Komatsu”, “Hitachi”, “Liebherr” rusumli gidravlik ekskavatorlar keltirildi. Bu bilan konda elektr tokida ishlaydigan va gidravlik ekskavatorlarning soni 25 taga yetdi.

Hozirgi vaqtda konning 14 ta sulfidli maʼdan karyerida tog‘ jinslarini qazish ishlari bajarilyapti. Kon tarkibi kengayganligi bilan birga, burg‘ilash uskunalari, ekskavatorlar, avtoag‘dargichlar kabi zamonaviy konchilik texnikalari soni oshib bormoqda.

“NKMK” AJ Matbuot xizmati