Navoiy kon-metallurgiya kombinati tomonidan olib borilayotgan keng ko‘lamli qurilish ishlarida Zarafshon qurilish boshqarmasi tarkibidagi Temir-beton mahsulotlari zavodi jamoasi ham munosib hissasini qo‘shib kelmoqda.

100 nafar ishchi-xodim mehnat qilayotgan korxonada ishlab chiqarish hajmi yildan-yilga oshib, bugungi kunda 25 turdan ortiq qurilish materiallari ishlab chiqarilmoqda.

- Keyingi yillarda korxonamiz tomonidan ishlab chiqarilayotgan temir-beton mahsulotlari, g‘isht, qurilish qumlari, alyuminiy eshik va deraza romlari kabi qurilish materiallariga mahalliylashtirish dasturi bo‘yicha konveyer roliklari, simli to‘rlar, anker boltlari, osma arqonlar, profnastil va boshqa turdagi qurilish mahsulotlari qo‘shildi. O‘tgan vaqt mobaynida mahalliylashtirilgan mahsulotlarni ishlab chiqarishni oshirishga erishdik. 2025-yil yakuni bo‘yicha mahsulot ishlab chiqarish ko‘rsatkichi 2021-yilga nisbatan 170 foizdan ortiqni tashkil etadi, - deydi Temir-beton mahsulotlari zavodi bosh muhandisi Komiljon Himmatov.

Zavod jamoasi kelgusi yilda ham kombinat tomonidan olib borilayotgan qurilish ishlari uchun sifatli mahsulotlarni ishlab chiqarishni ko‘paytirishni maqsad qilgan.

“NKMK” AJ Matbuot xizmati