Bugun O‘zbekiston Respublikasi Tog‘-kon sanoati va geologiya vazirligi ishchi guruhining Navoiy viloyatiga tashrifi doirasida vazirlik vakillari “Navoiy kon-metallurgiya kombinati” AJga tashrif buyurdi.

Tashrif davomida Tog‘-kon sanoati va geologiya vazirining birinchi o‘rinbosari Feruza Xamidova va “NKMK” AJ rahbariyati o‘rtasida uchrashuv o‘tkazildi. Uchrashuvda bugungi kunda kombinatda amalga oshirilayotgan investitsiya loyihalarini moliyalashtirish, ishlab chiqarish hajmini oshirish, transformatsiya dasturi va boshqa masalalar muhokama etildi.

Shuningdek, vazirlik vakillari kombinat faoliyati bilan tanishish maqsadida “Muruntov” koni hamda 2-gidrometallurgiya zavodida bo‘lib, tog‘ jinslarini qazish va tashish, zamonaviy konchilik texnikalarining ishlashi, Ishlab chiqarishning raqamlashtirilgan yagona boshqaruv markazi misolida kombinatda raqamlashtirish, texnologik jarayonlarni avtomatlashtirish yo‘nalishidagi ishlar bilan yaqindan tanishdi.

“NKMK” AJ Matbuot xizmati.