Aprel oyining birinchi yakshanbasi – O‘zbekiston Respublikasi geologiya sohasi xodimlari kuni

Qizilqum sahrosi bag‘rida joylashgan “Muruntov” koni xalqaro geologik jamoatchilik tomonidan oltin zaxirasi bo‘yicha XX asr mo‘jizasi sifatida tan olingan. Ayni vaqtda konning uzunligi 5,2 kilometr, eni 3,4 kilometrni tashkil etib, 750 metr chuqurlikka ega.

Konlarning kelajagi geologlar tomonidan taqdim etiladigan maʼlumotlarning ishonchliligiga bog‘liq. Konlarni o‘rganish va zaxiralarini oshirish, rejalashtirish, kon ishlarini nazorat qilishning usul va yo‘llarini ishlab chiqish, maʼdanni omborlarga joylashtirish, ularni ro‘yxatga olish, konlarni chuqurlashish loyihalarini ishlab chiqish bilan bog‘liq muhim masalalarni hal qilish geologiya xizmati zimmasida.

Bugungi kunda “Muruntov” konida qariyb 200 nafar geolog faoliyat olib bormoqda. Ular o‘z oldilariga qo‘yilgan vazifalarni sharaf bilan bajarib kelishmoqda.

Xususan, ular tomonidan tog‘ jinslari toifasini aniqlashtirish uchun quduqlarni burg‘ilashda xronometraj ishlarini amalga oshirish, namunalarni geologik nazorat qilish, 2-gidrometallurgiya zavodining oltin ajratib olish texnologiyasiga mos miqdor va sifatda maʼdan jo‘natilishining bevosita nazorat qilish ishlari amalga oshirilmoqda. Bu kabi ishlarni bajarishda “Muruntov” koni geologlarining hissasi katta.

“NKMK” AJ Matbuot xizmati